Fleire frå Tysnes var aktive deltakarar på Sydvest Bokfestival i Etne i helga. Britt Kjellesvik Rage presenterte Dokker i folkedrakter frå Vestlandet. Ho formidlar dei gamle folkedrakttradisjonane på ein framifrå måte gjennom dokkene.

Knut Rage framsa eit inspirerande foredrag under plakaten " Digital formidling for alle". Der han inviterta alle som er interessert i lokalhistorieformidling å registrera seg på Lokalhistoriewiki. Her fortel han om facebook sida "Tysnes før i tio" som har passert 2000 medlemmer.

Elles kan du lesa meir om bokfestivalen på nettsida til Hordaland Sogelag.

Hordaland sogelag arrangerer kurs i Bergen torsdag 24. september. Les meir om dette på http://www.hordalandsogelag.no/kurs-heimeside-i-bergen-24-september

Blide Blide jenter på skuleveg i tresko. Frå Bundesarkiv.

Treskokurs

Tysnes sogelag og / Hordaland sogelag skipar til:

Kurs i treskolaging fredag 11. sep. 17.00 – 19.00 og laurdag 12. sep.
09.00 – 16.00.  Kursleiar Helge Hisdal. Kursavgift kr 200,-.

Frist for påmelding 1. sep. 2015. Inntil 6 deltakarar.
Laurdag 12. sep. 12.00 – 14.00: ope hus med registrering av
treskoverktøy for dei som har slikt i si eige. Kaffi og vaflar.

Kurstad: Flakkavåg båt og treindustri, Sletteskogsjøen.
Interesserte melder seg til mikalhe@gmail.com eller SMS til 48096673
Kurset er støtta økonomisk av Hordaland fylke og Kulturrådet.

Bilete fra skulestova i Skorpo gamle skule.

Tysnes sogelag og Tysnes folkeakademi:
Skorpo skule sundag 13. sep. kl. 15.00
Kystsogevekene: Amanuensis Arild Marøy Hansen: «Leia som historieforteller»
Om marinearkeologiske funn kring Tysnes.
Alle er velkomne. Gratis!

Liz Malkenes møtte att Øystein Jansen. Eg håpar han får tid til å besøkja oss på Sogesoddet 29. november.
 

Liz Malkenes og Jan Økland var utsendingar frå Tysnes sogelag til årsmøte i Hordaland sogelag på Bømlo 14. og 15. mars. Bladet Tysnes har reportasje og bilete frå årsmøte på Bømlo. Avisartikkelen kan du lesa her.  

Professor ved UIB Jon Askeland fortalde soga om Vestmannalaget som han no er leiar for. Det var det fyrste mållaget som vart skipa i Norge i 1868. Gildt å møta tidlegare sambygdingar også fortalde Askeland.

Åsta Hansen kasserar i sogelaget gjennomgår rekneskap og budsjett. Heit til høgre i bilete. Marit Frøyseth Sæløen som vart valt til nytt styremedlem i sogelaget.

Hildegunn Knudsen mottok blomegåve som takk for innsatsen i sogelagsstyret.

Styret i Tysnes sogelag har hatt sitt fyrste styremøte i 2015 og har planlagt diverse aktivitetar for inneverande år. Her finn du mellom anna informasjon om Hordaland Sogelag sin studietur til Hebridane. Skrivet frå leiar Mikal Heldal finn du her. 

I fjor var det 1439 unike besøk på nettsida vår. For 2013 var talet 1117. Det er ein auke på 28%. 

Kaffipause på hytta til Hans H. Flornes.

( Tekst og bilete Mikal Heldal)

Sogelagsturen til Flornes sundag 17. aug. vart slik ein sogelagstur skal vera: opphaldsvær, trivelig kjentmann, mykje sogedrøs – og ei triveleg kaffiøkt. Me gjekk nyevegen til ytst i Flornes – til Knappen, Jonaplasset, Ystaneset, over Flornesgarden, og so gamlevegen gjennom skogen og attende til Espevik. Skogen i Flornes var velkjend – rekna som noko av det likaste av skogagrunn som var i Tysnes. Mykje av vyrket til Onarheimskyrkja vart hogge der. No vert mykje av skogen i Flornes verna og det vert vel til at det er slutt på skoghogst i området. Litt hogst og bruk av skogen hadde vore det beste for miljøet og naturen.

Hans Heidrik Flornes har hytte i Ystaneset – han var lokal guide og han kjenner vel dette området frå mange ferieopphald. Far til Hans, Olav Flornes, var tannlækjar i Bergen og mange Tysnesingar var nok framom hjå han.