Professor ved UIB Jon Askeland fortalde soga om Vestmannalaget som han no er leiar for. Det var det fyrste mållaget som vart skipa i Norge i 1868. Gildt å møta tidlegare sambygdingar også fortalde Askeland.

Åsta Hansen kasserar i sogelaget gjennomgår rekneskap og budsjett. Heit til høgre i bilete. Marit Frøyseth Sæløen som vart valt til nytt styremedlem i sogelaget.

Hildegunn Knudsen mottok blomegåve som takk for innsatsen i sogelagsstyret.

Styret i Tysnes sogelag har hatt sitt fyrste styremøte i 2015 og har planlagt diverse aktivitetar for inneverande år. Her finn du mellom anna informasjon om Hordaland Sogelag sin studietur til Hebridane. Skrivet frå leiar Mikal Heldal finn du her. 

I fjor var det 1439 unike besøk på nettsida vår. For 2013 var talet 1117. Det er ein auke på 28%. 

Kaffipause på hytta til Hans H. Flornes.

( Tekst og bilete Mikal Heldal)

Sogelagsturen til Flornes sundag 17. aug. vart slik ein sogelagstur skal vera: opphaldsvær, trivelig kjentmann, mykje sogedrøs – og ei triveleg kaffiøkt. Me gjekk nyevegen til ytst i Flornes – til Knappen, Jonaplasset, Ystaneset, over Flornesgarden, og so gamlevegen gjennom skogen og attende til Espevik. Skogen i Flornes var velkjend – rekna som noko av det likaste av skogagrunn som var i Tysnes. Mykje av vyrket til Onarheimskyrkja vart hogge der. No vert mykje av skogen i Flornes verna og det vert vel til at det er slutt på skoghogst i området. Litt hogst og bruk av skogen hadde vore det beste for miljøet og naturen.

Hans Heidrik Flornes har hytte i Ystaneset – han var lokal guide og han kjenner vel dette området frå mange ferieopphald. Far til Hans, Olav Flornes, var tannlækjar i Bergen og mange Tysnesingar var nok framom hjå han.

Svein Ove Agdestein og Kaare M. Malkenes er båe medlemmer av Tysnes Sogelag. Dei jobba tett saman for å realisera ynskje om å få sett opp ein bautastein til minne om dei tre britiske flygarane som missta livet ved Rekstern i 1941. 8. mai vart steinen høgtidleg avduka. Du kan lesa meir om bakgrunnen for minnestein prosjektet her.  Meir en 125 møtte fram til avdukinga presis kl. 13 den 8. mai i stilla og solrikt vårver. Vidare finn du bilete av dei som var med på det praktiske med å reisa steinen.

 
Kaare M. Malkenes og Svein Ove Agdestein jobba godt saman.

Utan hjelp frå Harry Frøkedal ( t.v.) og Leif Arne Kaldafoss (t.h.) hadde vel ikkje prosjektet blitt noko realitet.

Tysnes Sogelag har oppretta nettbutikk og no kan du kjøpa bøker og sogeskrift på nett. Med tida vil me utvida tilbodet slik at du også kan kjøpa andre publikasjonar. Det er enkelt å kjøpa på nett. Du klikkar på Nettbutikk øvst på sida så kjem du direkte inn i netthandelmodulen.

Påtroppande leiar Mikal Heldal saman med Jan Økland og Marianna Heggland Brungot

No synest eg det er på tide å levera stafettpinnen vidare, sa avtroppande leiar i Tysnes Sogelag Jan Økland på årsmøte som vart avvikla på Tysnes Skule sist sundag. Eg takkar for godt samarbeid med styret  dei 6 åra eg har vore leiar. Det har vore nokre interessante år med mange og utfordrande oppgåver.

Mikal Heldal vart valt til ny leiar. Han opplyste at aktiviteten i sogelaget framleis vil vera stor. Eit medlemstal på  snart 230 forpliktar,  og me har mykje på programmet også i år. Sogelaget vil delta med eige arrangement på Kulturminnedagen under Kystsogevekene i september. Tema i år er bortgøymte kulturskattar, og vårt arrangement vil me kalla ” Ballastrøyser frå tida med skottehandel”. Til dette arrangementet er planen å trekkja vekslar på resurspersonar frå Universitetet i Bergen og Sjøfartsmuseet, opplyste han.  Turar til kulturhistoriske stader vert det også fram på vårparten, og så skal me sjølvsagt vera synlege der tysnesingane ferdast i hopetal med eigen flott stand på mellom anna på Tysnesfest. Årets sogeskrift vert eit temahefte om dei gamle grendaskulane på Tysnes, og me har ei utfordrande oppgåve å koma i kontakt med elevar frå desse skulane. Mykje stoff har me samla, men me manglar spesielt frå gamleskulen på Gjerstad. Kontakta oss de som har noko å fortelja, var oppmodinga frå den nye leiaren.

Grunngjevinga til juryen som har vurdert alle artiklane som er publisert i Sogeskrift for Tysnes 2010.

Prisen  "Arets  skribent"  går i 2010  til Mikal  Heldal  for  forteljinga  "Maddelo  i Blekjet".

Forfattaren  har  gjeve  oss  ei  original  og  lesarvenleg  skildring  av  ein  kvardagslagnad  i bygdene  våre for om lag  100  år  attende  i  tid.  Det  er  ei folkelivsskildring  som  gjev  oss  eit levande  bilete  av  levekår  og
kvardagsliv  i bygdene  på  Tysnes.

Forteljinga  er  representativ  og  lærerik  når det  gjeld  kunnskap  om livsvilkåra  til husmannsfolk  og
fattigfolk  elles.  Me  får  innsyn  i  sosial  naud  og  elende.  Men  me  får  også  høyra  om  omsut  og  omtanke
– sosialt  ansvar  kan  me  kanskje  seia  – og  godt  naboskap  i bygdene.

Her  er  også  døme  på korleis  folk  kunne  driva  sjølvberging  – både  på  godt  og  vondt.
Soga  om Maddelo  og  Omund  er  levande  fortalt  og  ikkje  utan  humor  – me  kan  dra  på  smilebandet  av
hovudpersonen  sine  skikkar,  vanar  og  ikkje  minst  uvanar,  men  me  kan  også  –  i  alle  fall  mellom  linene
–  lesa  om  ein  tragisk  lagnad  og  eit  ikkje  berre  lukkeleg  liv,  som  nok  kan  vera  representativt  for mange
menneske  som  levde  i bygdene  våre  på  den  tida.

Faktaopplysningane  om  personane  er  dokumenterte  m.a.  i Gards-  og  ættesoga.  Når det  gjeld
skildringa  av  hovudpersonen  og  og  hendingane  rundt,  byggjer  det  på ein  munnleg  tradisjon  hjå etterslekta  og  i  grannelaget,  ein  tradisjon  som  no  er  skriftfesta.

Dette  ser  juryen  som  viktig,  og  me  vonar  at  det  kan  motivera  andre  som  mitte sitja  på  liknande  stoff,
til  å  fylgja  føredømet  til  årets  skribent

Kirsten Nesse                                                                                              Nils Magne Singestad

Den gamle kvedno som står nederst i Gjestradelvo har no fått nytt tak. Kvedno stod til nedfall, men ein del entusiastar har lagt ned mange dugnadstimar for å redda det gamle kulturminnne. 

Gjennom nokre dugnadsøkter denne hausten har folk frå Tysnes sogelag/Tysnes museumslag laga nye sperrer og lagt på nytt sutak og takstein. Elling Skartveit har vore arbeidsleiar for prosjektet – han har også gjeve materialar, hogge til sperrer og saman med Egil Instøy teke saginga av materialane. Dugnadslaget har elles vore Jan Økland, Olav Skjellevik, Elling Skartveit og Mikal Heldal. No er taket tett og vona er at nokre dugnadsøkter til kan gjera dette gamle kulturminne berga for komande generasjonar.

Kvedno før vølinga.
 

Nytt sutak

Elling slår inn siste naglen.