Tysnes kommune sit på ei diger skatt av gamle bilete, ikkje minst i samband med det omfattande arbeidet som Tysnes Sogelag har stått for opp gjennom åra i samband med Johannes Heggland si Tysnes-soge og dei store ættesogene. I 2003 vart ansvaret for samlinga overlate til folkebiblioteket.
Biblioteksjefen har føreslege at ein går saman med sogelaget om ein felles dugnad for å ta vare på alle desse gamle bileta. Ein slik dugnad vil falla i to bolkar:
Overføring av bilete til digitale media, dvs. til data slik at dei med tida kan gjerast tilgjengelege på CD-ROM eller internett, eller i bokform
Å samla inn opplysningar om bileta. Kven er desse menneska, når vart bileta tekne og i kva høve? Til dette arbeidet treng me å gå gjennom biletsamlinga med eldre folk.
Tysnes Sogelag har til føremål å fremma interesse og kunnskap om lokalhistorie. For å ta vare på det historiske tilfanget, vil Tysnes Sogelag samarbeida med Lokalhistorisk arkiv i Tysnes. Tysnes Sogelag skal, så sant det let seg gjera, årleg gje ut eit tidsskrift med eit innhald som er, eller kan verta, av lokalhistorisk verdi.
Tysnes Sogelag er medlemslag i Hordaland Sogelag
